အခြေခံဥပဒေဖျက်သိမ်းလိုက်ပါက လက်ရှိအစိုးရသည် တရားဝင်တော့မည်မဟုတ်ဟု ဦးဌေးဦးပြော
၂၀၀၈
ဖွဲ့စည်းပုံ အခြေခံဥပဒေအား ဖျက်သိမ်းပြီး အသစ်ရေးဆွဲပါက လက်ရှိအစိုးရသည်
တရားဝင်ဖြစ်မည်မဟုတ်ကြောင်း အာဏာရ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒု- ဥက္ကဋ္ဌတစ်ဦးဖြစ်သူ
ပြည်သူ့လွှတ်တော်ကိုယ်စားလှယ် ဦးဌေးဦးက ပြောသည်။
လက်ရှိ ဖွဲ့စည်းပုံအခြေခံဥပဒေအား ဖျက်သိမ်းပြီး အသစ်ရေးဆွဲပါက ဖွဲ့စည်းပုံအခြေခံဥပဒေကြောင့် ပေါ်ပေါက်လာသောရွေးကောက်ပွဲရလဒ် ပျက်ပြားသွားနိုင်ကာ လွှတ်တော်များသည်လည်း ပျက်သွားနိုင်ကြောင်း လွှတ်တော်ပျက်သွားပါက လွှတ်တော်က ရွေးကောက်တင်မြှောက်အတည်ပြုထားသောအစိုးရသည် ပျက်သွားမည်ဟု ဦးဌေးဦးကပြောသည်။ ထို့ပြင် ငြိမ်းချမ်းရေးလုပ်ငန်းစဉ်လည်း ထိခိုက်နိုင်ပြီး လက်နက်ကိုင်အဖွဲ့များနှင့် ဆွေးနွေးထားသော ရလဒ်များကိုလည်း အသစ်မှပြန်စရလိမ့်မည်ဟု ဦးဌေးဦးက ဆိုသည်။
ဖွဲ့စည်းပုံအခြေခံဥပဒေကို ဖျက်သိမ်းပြီး အသစ်ရေးဆွဲပါက နိုင်ငံတော်နှင့် နိုင်ငံသားများအတွက် ပြဿနာများကြုံတွေ့လာနိုင်ကြောင်း အောက်တိုဘာလ ပထမအပတ်အတွင်း စစ်ဗိုလ်ချုပ်ဟောင်းအများစုဖြင့် ဖွဲ့စည်းထားသော အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ဖွဲ့စည်းပုံအခြေခံဥပဒေနှင့်ပတ်သက်သော ပါတီ၏သဘောထား ကြေညာချက်ကို ထုတ်ပြန်ခဲ့သည်။
သို့သော် တိုင်းရင်းသားလက်နက်ကိုင်အဖွဲ့များဖြင့် ဖွဲ့ စည်းထားသော ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) သည် တပ်မတော်အစိုးရကဦးဆောင်ကာ ဆယ်စုနှစ်တစ်ခုကျော်ကြာ အချိန်ယူ ရေးဆွဲထားသော ဖွဲ့ စည်းပုံအခြေခံဥပဒေသည် ဒီမိုကရေစီနည်းမကျသည့်အပြင် ပြင်လို့မရအောင် ရေးဆွဲထားသည့်အတွက် အသစ်ရေးဆွဲခြင်ကို သဘောတူညီခဲ့ကြသည်။
နိုင်ငံအတွင်း လက်ရှိလုပ်ဆောင်နေသော လုပ်ငန်းစဉ်အားလုံးသည် ဖွဲ့စည်းပုံအခြေခံဥပဒေပေါ်မူတည်ကာ လုပ်ဆောင်နေရသောကြောင့် ယင်းကိုပယ်ဖျက်ပြီး အသစ်ရေးဆွဲပါက အုပ်ချုပ်ရေးယန္တရားကိုပါ ထိခိုက်နိုင်သည့်အပြင် အသစ်ရေးဆွဲမည့် ဖွဲ့ စည်းပုံအခြေခံဥပဒေကို မည်သူက ဦးဆောင်ရေးဆွဲမည်ဆိုသည်မှာလည်း စဉ်းစားရမည့်အချက် ဖြစ်လာကြောင်း ဦးဌေးဦးကဆိုသည်။
ဖွဲ့စည်းပုံအခြေခံဥပဒေအသစ် ရေးဆွဲရာတွင် တိုင်းရင်းသားအင်အားစုများ၊ ဒီမိုကရေစီအင်အားစုများပါဝင်သော ညီလာခံတစ်ရပ်ခေါ်ယူကာ ရေးဆွဲနိုင်ကြောင်း ဖွဲ့စည်းပုံအခြေခံဥပဒေအသစ် ရေးဆွဲရန် UNFC နှင့် သဘောတူညီထားသည့် ၁၉၉၀ ပြည့် ရွေးကောက်ပွဲဝင် တိုင်းရင်းသားနိုင်ငံရေးပါတီအများစုဖြင့် ဖွဲ့စည်းထားသည့် ညီညွတ်သော တိုင်းရင်းသားလူမျိုးများမဟာမိတ်အဖွဲ့ (UNA) ကလည်း ပြောကြားထားမှုရှိသည်။
၂၀၀၈ ခုနှစ် ဖွဲ့စည်းပုံအခြေခံဥပဒေအား ပြင်ဆင်ခြင်း (သို့မဟုတ်) အသစ်ရေးဆွဲခြင်းကို ပြည်သူများ၏ ဆန္ဒသဘောထားရယူရေးအတွက် အမျိုးသားဒီမိုကရေစီအဖွဲ့ချုပ်သည် ယခုလအတွင်း စတင်ဆောင်ရွက်သွားရန် ရှိနေသည်။
လက်ရှိ ဖွဲ့စည်းပုံအခြေခံဥပဒေအား ဖျက်သိမ်းပြီး အသစ်ရေးဆွဲပါက ဖွဲ့စည်းပုံအခြေခံဥပဒေကြောင့် ပေါ်ပေါက်လာသောရွေးကောက်ပွဲရလဒ် ပျက်ပြားသွားနိုင်ကာ လွှတ်တော်များသည်လည်း ပျက်သွားနိုင်ကြောင်း လွှတ်တော်ပျက်သွားပါက လွှတ်တော်က ရွေးကောက်တင်မြှောက်အတည်ပြုထားသောအစိုးရသည် ပျက်သွားမည်ဟု ဦးဌေးဦးကပြောသည်။ ထို့ပြင် ငြိမ်းချမ်းရေးလုပ်ငန်းစဉ်လည်း ထိခိုက်နိုင်ပြီး လက်နက်ကိုင်အဖွဲ့များနှင့် ဆွေးနွေးထားသော ရလဒ်များကိုလည်း အသစ်မှပြန်စရလိမ့်မည်ဟု ဦးဌေးဦးက ဆိုသည်။
ဖွဲ့စည်းပုံအခြေခံဥပဒေကို ဖျက်သိမ်းပြီး အသစ်ရေးဆွဲပါက နိုင်ငံတော်နှင့် နိုင်ငံသားများအတွက် ပြဿနာများကြုံတွေ့လာနိုင်ကြောင်း အောက်တိုဘာလ ပထမအပတ်အတွင်း စစ်ဗိုလ်ချုပ်ဟောင်းအများစုဖြင့် ဖွဲ့စည်းထားသော အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ဖွဲ့စည်းပုံအခြေခံဥပဒေနှင့်ပတ်သက်သော ပါတီ၏သဘောထား ကြေညာချက်ကို ထုတ်ပြန်ခဲ့သည်။
သို့သော် တိုင်းရင်းသားလက်နက်ကိုင်အဖွဲ့များဖြင့် ဖွဲ့ စည်းထားသော ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) သည် တပ်မတော်အစိုးရကဦးဆောင်ကာ ဆယ်စုနှစ်တစ်ခုကျော်ကြာ အချိန်ယူ ရေးဆွဲထားသော ဖွဲ့ စည်းပုံအခြေခံဥပဒေသည် ဒီမိုကရေစီနည်းမကျသည့်အပြင် ပြင်လို့မရအောင် ရေးဆွဲထားသည့်အတွက် အသစ်ရေးဆွဲခြင်ကို သဘောတူညီခဲ့ကြသည်။
နိုင်ငံအတွင်း လက်ရှိလုပ်ဆောင်နေသော လုပ်ငန်းစဉ်အားလုံးသည် ဖွဲ့စည်းပုံအခြေခံဥပဒေပေါ်မူတည်ကာ လုပ်ဆောင်နေရသောကြောင့် ယင်းကိုပယ်ဖျက်ပြီး အသစ်ရေးဆွဲပါက အုပ်ချုပ်ရေးယန္တရားကိုပါ ထိခိုက်နိုင်သည့်အပြင် အသစ်ရေးဆွဲမည့် ဖွဲ့ စည်းပုံအခြေခံဥပဒေကို မည်သူက ဦးဆောင်ရေးဆွဲမည်ဆိုသည်မှာလည်း စဉ်းစားရမည့်အချက် ဖြစ်လာကြောင်း ဦးဌေးဦးကဆိုသည်။
ဖွဲ့စည်းပုံအခြေခံဥပဒေအသစ် ရေးဆွဲရာတွင် တိုင်းရင်းသားအင်အားစုများ၊ ဒီမိုကရေစီအင်အားစုများပါဝင်သော ညီလာခံတစ်ရပ်ခေါ်ယူကာ ရေးဆွဲနိုင်ကြောင်း ဖွဲ့စည်းပုံအခြေခံဥပဒေအသစ် ရေးဆွဲရန် UNFC နှင့် သဘောတူညီထားသည့် ၁၉၉၀ ပြည့် ရွေးကောက်ပွဲဝင် တိုင်းရင်းသားနိုင်ငံရေးပါတီအများစုဖြင့် ဖွဲ့စည်းထားသည့် ညီညွတ်သော တိုင်းရင်းသားလူမျိုးများမဟာမိတ်အဖွဲ့ (UNA) ကလည်း ပြောကြားထားမှုရှိသည်။
၂၀၀၈ ခုနှစ် ဖွဲ့စည်းပုံအခြေခံဥပဒေအား ပြင်ဆင်ခြင်း (သို့မဟုတ်) အသစ်ရေးဆွဲခြင်းကို ပြည်သူများ၏ ဆန္ဒသဘောထားရယူရေးအတွက် အမျိုးသားဒီမိုကရေစီအဖွဲ့ချုပ်သည် ယခုလအတွင်း စတင်ဆောင်ရွက်သွားရန် ရှိနေသည်။
No comments:
Post a Comment